Bang Media

Shakisha ku Urwego.com

Pasiteri yambwiye ko ndongowe vuba ntura ibihumbi 500 none navumbuye ko ari imitwe. Nkore iki?

by http://www.urwego.com

Yesu ashimwe bene data, iwacu ni mu murenge wa Gatenga ariko si ho mvuka, nkana nsengera muri rimwe mu matorero akorera mu mujyi wa Kigali.
Ndi umufille-mere ukuze, imyaka yanjye nirinze kuyivuga, ariko ntabwo yari yarenga 40, nkaba mfite umwana umwe w’umuhungu ugiye kuzuza imyaka 7.
Mu by’ukuri nubwo nabyaye, nta mugabo ngira, mfite akazi kanjye kantunze, ndikorera kandi business yanjye iragenda neza cyane.
Umuntu w’inshuti yanjye kuko yari azi ko nshaka umugabo cyane, yaraje aranyegera ati uzaze nkwereke ahantu tujyana gusenga, ati hakorerwa ibitangaza, ndemera tujyanayo.
Nasengeyeyo inshuro nyinshi, kera kabaye mpamaze nk’amezi atatu, nibwo Pasiteri ntavuze izina yagize ati ‘ubonye umugabo’ iryo jambo na njye ndisamira ejuru.
Nibyo koko muri iyo minsi hari umusore nawe ukuze waje iwanjye guhaha aho ncururiza, amvugisha neza, agiye gutaha aranshimira ku bwa serivisi nziza nari muhaye.
Yagiye agaruka, nyuma akajya anampamagara ambaza niba ibyo ashaka bihari, rimwe na rimwe akohereza n’umukozi akaza kubifata, mbese tuba inshuti, na njye nti ‘umugabo namubonye pe’!.
Hagati aho, ubwo urukundo rwasaga nkaho rushyushye, nibwo nagiye gusenga Pasiteri ati, Imana yavuze ngo nintange ishimwe ry’ibihumbi 500, rwose ntabwo naciye ku ruhande, bwarakeye ndayatanga kuko sinarinyabuze, kandi n’icyo nayisabaga nabonaga cyarabonetse.
Ntavuze byinshi, wa musore twarakomeje, bigera naho kwinjira mu rukundo neza, dupanga uko twabana, akambwira ko umwana mfite nta kibazo tuzamurerana n’abandi, aho twari tugeze ubu, ni hahandi twaganiraga iby’ubukwe gusa.
Hari akantu kamwe katumye ngira amakenga, biba ngombwa ko nkora ubushakashatsi, naje gusanga umusore aziranye cyane na wa mupasiteri, nkurikiye nza no gusanga ahubwo uwo nitaga umusore, afite umugore n’abana babiri, menya ko n’ibyo bankoraga byose babiziranyeho.
Uwo musore yari andimo amadeni, akiyongera ku bihumbi byanjye natanze, mbese ntababeshye, ibyambayeho ni akumiro, ntabwo narinzi ko abatekamutwe bariho, gusa wenda ntacyo byahungabanyije ku byanjye, ariko iyo ntaba maso vuba, bari kumaraho amafaranga.
 na njye ndifuza ko mungira inama, ntabwo nkeneye ngo abasore bampamagare, kuko ntabwo ndi muri nshaka umukunzi, icyo mbisabira ni inama.
Ese uyu mupasiteri murege ansubize ayanjye bakunzi ba urwego.com, gusa uwambeshyaga urukundo afite umugore n’abana babiri we, sintukanye ariko nahise mufata nk’imbwa, nta n’icyo namukurikiranaho kuko amadeni andimo si menshi cyane. Mungire inama nkore iki?

Byose bizashira hasigare urukundo
Video ku rukundo n'ubuzima bw'imyororokere

Soma Inkuru Yose ...

Umugabo wanjye ntantegura mbere y'akabariro akanshinja kutamunezeza, ndumva namuta- NKORE IKI?

by http://www.urwego.com

Abubatse ingo cyane cyane nibo nitabaje ,  ndasaba inama kuko umugabo mfire arandembeje anziza kutagira ububobere.
Kuva twabana hashize imyaka 3, ariko buri gihe dukora imibonano dushwana kuko njye mba mbabara mu gihe we aba arajwe ishinga no kwinjira ngo akore ibyo akora arangize. Twabanye n’ubundi mfite umwana we, yanteye inda nkiri iwacu, ubwo bubobere mbere narabugiraga ariko ubu ntabwo, sinzi ikibazo afite cyangwa njye.
Mu by’ukuri rero iki duhora tugishwanira, ariko na we ikosa mushinja ntabwo nari namubona na rimwe aza ngo abe yabasha kubanza ngo abe yankorakora, cyangwa ngo ankorere ibituma mushaka cyane.
Burya ntabwo umuntu ajya kuvuga atarembejwe, nanjye ndakomerewe kuko umugabo ampoza kuri izo nkeke, avuga ko ntamuryohera, ngo mutera imvune kurusha uko namumara irungu.
Ku ruhande rwanjye nabuze icyo nakora, kuko ibyo mubwira byose ntabyumva.
Mungire inama bakunzi ba urwego.com, ese nzamureke nigendere nshake abandi babashije kunezeza? Ese nsanze ari njye kibazo nakora iki? inama zanyu zirakenewe.

Byose bizashira hasigare urukundo
Video ku rukundo n'ubuzima bw'imyororokere

Soma Inkuru Yose ...

 

Urwenya

Ubuzima

Urukundo