Bang Media

Shakisha ku Urwego.com

America ihangayikishijwe n'amahanga ashaka kwivanga mu matora yayo

Itangazo ryasohowe n'ukuriye urwego rw'Amerika rwo kuburizamo ubutasi bw'amahanga rivuga ko ibihugu by'amahanga birimo kwifashisha "ingamba zihishe n'izigaragarira ijisho" zo kugena ko abatora batora uwo ibyo bihugu bishaka.

America ihangayikishijwe n'amahanga ashaka kwivanga mu matora yayo
America ihangayikishijwe n'amahanga ashaka kwivanga my matora yayo


William Evanina, ukuriye urwo rwego, yavuze ko Ubushinwa budashaka ko Perezida Donald Trump yongera gutorwa kuri manda ya kabiri - ya nyuma yemewe muri Amerika.

Naho Uburusiya bwo bukaba bushaka gukoma mu nkokora umukandida Joe Biden wo mu ishyaka ry'abademokarate.

Abakuru b'inzego z'ubutasi bashinja Uburusiya kwivanga mu matora ya perezida yo muri Amerika yo mu mwaka wa 2016.

Bavuga ko Uburusiya bwashatse gufasha mu kongerera imbaraga ibikorwa byo kwamamaza Bwana Trump, harimo no gukwiza ku mbuga za internet amakuru ayobya. Uburusiya bwahakanye ibyo birego.

Mu kiganiro n'abanyamakuru cy'ejo ku wa gatanu, Perezida Trump yabajijwe ku cyo ateganya gukora kuri iyo raporo ivuga ku kwivanga kw'ibihugu bimwe by'amahanga mu matora yimirije.

Yasubije ko ubutegetsi bwe "buzabikurikiranira hafi cyane".

Bwana Trump yavuze ko "bishoboka" ko haba hari ugushaka kwivanga mu matora yo muri uyu mwaka, ariko ahakana ko Uburusiya bwaba buri kugerageza kumufasha gutsindira manda ya kabiri.



Related Posts by Categories



0 comments:

Post a Comment