Bang Media

Shakisha ku Urwego.com

Yambeshyaga ko ari isugi kandi yaratandukanye n’undi mugabo-NKORE IKI?

by www.urwego.com

Ndabasuhuje, ndagira ngo munsobanurire urukundo ni iki?, ese uko mbyibwira ni ko biri cyangwa naribeshye, nakoze uko nshoboye nshaka gukunda kandi ngo nkundwe biba iby’ubusa, ese urukundo rw’ubu, ikinyoma no guhemuka hari isano bifitanye?

Ndi umusore ukuze, nakundanye n’inkumi zitandukanye nkaziha urukundo njye numva rukwiriye, yemwe bakambeshya ko banyurwa ariko itandukana ryacu ryaranzwe n’ubuhemu bwiganjemo ibinyoma.

Uwa mbere twakundanye niga muri kaminuza, kuko nari umusore wifashije ntacyo umukunzi wanjye yamburanaga, rimwe mufata yararanye n’undi muri Lodge (inzu yagenewe gucumbikira abantu by’igihe gito) kandi njye naranamujyanaga muri Hoteli, ngize ngo turabiganiraho arivumbura ngo yatangaga ibye ntiyumva icyo mushakaho, muha amahoro ndamureka.
Uwa 2, yambeshyaga ko ari isugi akanirinda ko twaryamana ngo nzamwambura ubusugi bwe twavuye mu rukiko, mu gihe ntegura ibyo kujya mu rukiko nibwo inshuti zitandukanye zabonaga ko ngiye gusezerana, bampamiriza ko yatwaye inda, ikavamo ndetse ko yamaze imyaka ibiri abana n’umugabo nyuma barashwana mvuze ko nzamujyana kwa muganga guhinyuza anyemera ko byamubayeho, ko yashakaga ko tubana nabivumbura nyuma agahebera urwaje, namubwiye ko ntabana n’umugore w’umubeshyi ndamureka.”

Ndagisha inama y’icyo nakora, ese ninjye kibazo cyangwa nta maraso akundwa ngira nzabireke burundu? murakoze ku nama zanyu nziza!

Inkuru z'Urukundo
Reba video zitandukanye
Nkore iki


Related Posts by Categories



0 comments:

Post a Comment

 

Urwenya

Ubuzima

Urukundo