Bang Media

Shakisha ku Urwego.com

Mfite umugabo ariko nongeye kwiyumvamo amuhungu twiganye! NKORE IKI?

by www.urwego.com

Mwongeye kwirirwa nagirango mumfashe mu kibazo cyambanye ihurizo, nakundanye n’umuhungu muri Secondaire twarakundanye bidasanzwe ku buryo no ku ishuri batwitaga abasazi kubera ukuntu buri kanya twabaga turi kumwe. Iyo hashiraga isaha ntabonye Daniel, numvaga nta mahoro mfite, nkagira imbeho ntazi aho iturutse, gukurikira mwarimu bikananira.

Byageze aho yajyaga ataha, akansigira isengeri ye kugirango nimukumbura nyihumurize cyangwa nyisegure , maze ngire amahoro.

Twaje kurangiza amashuri yisumbuye, twese tujya mu buzima bw’ubushomeri. Imyaka ibiri yose yashize nta n’umwe muri twe urabona akazi nta n’uwagiye muri kaminuza ngo akomeze yige
Ubwo kandi uko imyaka yashiraga niko nabonaga imyaka y’ubukure nayo insiga.Negereye Daniel tubiganiraho, mubaza niba afite gahunda yo kungira umugore vuba, cyangwa niba ntayo ngo nishakire abandi.

Yampaye uburenganzira rwose, ambwira ko adashobora kumbuza kwishakira mu gihe naba nabonye undi. Yanyijeje kandi ko nta kibazo azabigiraho.

Nyuma naje kubona undi musore wari ufite akazi n’amafaranga aringaniye. Tumenyanaho amezi make, ahita anansaba ko twabana ndamwemerera.Tumaze gukora ubukwe Daniel yirinze kumpamagara cyane . Mbonye atakimpamagara nagize ngo twaranganye, mwoherereza SMS(ubutumwa bugufi) mubaza niba byaramubabaje kuba narashatse umugabo, mu kunsubiza ambwira ko nta kibazo afite ahubwo yatinyaga gusa.

Kuva ubwo nabaye nk’ukojeje agati mu ntozi, nta munsi bwira atanyandikiye SMS , none aho bigeze najye ndumva nasubiye mu bihe nk’ibyo muri secondaire. Ndumva ndemerewe no kuba naramusize.Umugabo wanjye ntabyo azi, kandi nta n’ikibazo ajya angiraho ariko ndabona byazaduteranya naramuka amenye ibya Daniel.
Mungire inama y’icyo nakora kuko nanjye mbona mba nabuze uko nabihagarika murakoze

Inkuru z'Urukundo
Reba video zitandukanye
Nkore iki


Related Posts by Categories



0 comments:

Post a Comment

 

Urwenya

Ubuzima

Urukundo