Bang Media

Shakisha ku Urwego.com

Kuki igitsina cy'umugabo gitakaza umurego

Usanga benshi bibaza ku gakingirizo ndetse bamwe bakavuga ko katabaha umunezero uhagije abandi bakavuga ko batarangiza ndetse abandi bakemeza ko igitsina cyabo kidashobora gufata umurego iyo bakambaye.

Niba nawe bikubaho ntukwiye kugira impungenge kuko hari n’abandi bagabo nkawe bibaho. Hari n’abadashobora gukora imibonano kuko iyo bashyizemo agakingirizo igitsina cyabo gihita kigwa bikaba birarangiye.

Ibi bishobora guteza ibibazo bitandukanye kuko ntawavuga ko agakingirizo kadakenewe kereka ku bashakanye gusa naho ubundi yaba ashaka kwandura indwara zitandukanye cyangwa gutwara inda atateganyije.

Dore bimwe mu byatera ibi:

1. Kuba agakingirizo katajyanye n’ingano y’igitsina:

Abantu benshi ntibabizi, ariko gukoresha agakingirizo katajyanye n’ingano y’igitsina bishobara gutuma igitsina gita umurego. Niba ugiye kwambara agakingirizo ugomba kwambara agakwiranye n’igitsina cyawe bitari ibyo bishobora kugenda nabi. Iyo agakingirizo kamatiriye cyane aho igitsina gitangiriye gashobora guhagarika cyangwa kugabanya amaraso atembera mu gitsina cyawe iyo ibi bibaye umurego uraganuka ndetse ukagenda burundu.

Umuti: Ambara agakingirizo kajyanye n’ubunini bw’igitsina cyawe. Iyo ari nto ishobora gutuma umurego ugabanuka iyo ari nini nabwo ishobora kuvamo mu gihe uri gukora imibonano.

2. Guhangayika mu gihe cy’imibonano:

Bibaho kenshi ko umuntu yambara agakingirizo kubera ahangayikishijwe n’imibonano agiye gukora. Wenda atinya kwandura indwara kuko aba atizeye uwo bagiye kuyikorana. Umugabo rero uhangayitse, uri ku gitutu(pressure) k’ikintu runaka, cyangwa se ufite ubwoba bw’ibyaba ashobora kugira ikibazo cyo kubura umurego kw’igitsina cye mu gihe ashatse gukora imibonano ari muri ibi bihe.

Umuti: Kwitegura neza ukiyibagiza buri kimwe cyose kiguhangayikishije cyangwa cyagutera ubwoba maze ugatekereza ku byishimo uri bukure mu gikorwa ugiye gukora.

3. Kubura ibintu bigutera ubushake buhagije:

Abagabo benshi bagira umurego muke kubera ko abo bakorana imibonano batujuje ibyo bo bifuza kubona. Buri wese agira ibyo aba yifuza gukorerwa mu gihe cyo kwitegura igikorwa cy’imibonano. Iyo ibi bidakozwe rero bishobora gutera umugabo kugira umurego muke.

Umuti: Buri muntu ufite uruhare muri iki gikorwa cyo gutera akabariro agomba kugira ubushake bwo guha undi ibiri butume agera ku byishimo.


Related Posts by Categories



0 comments:

Post a Comment

 

Urwenya

Ubuzima

Urukundo