Bang Media

Shakisha ku Urwego.com

Kuki abakobwa bikundira kurongorwa n’abagabo bakuze

by http://www.urwego.com

Hari abantu bamwe bakomeje kwibaza impamvu abakobwa benshi muri iyi minsi usanga bari gushidukira cyane abagabo bakuze kurenza uko bashaka abagabo bakiri bato.

Nk’uko abakobwa n’abagore bakunda cyane ababitaho kenshi, ibikurura abakobwa bakiri bato ku bagabo bakuze, cyane abari hejuru y’imyaka 30, birimo imitungo cyangwa se imyitwarire yo kwita ku babakunda bitewe n’umutungo ndetse n’ubushobozi baba bafite.

Byose bizashira hasigare urukundo
Video ku rukundo n'ubuzima bw'imyororokere

Ubumenyi n’ubunararibonye
Ubumenyi n’ubunararibonye ni kimwe mu bintu biza ku mwanya wa mbere mu bikurura abakobwa ku bagabo bakuze. Ibi bigashimangirwa no kuba abakobwa baba bababonamo ubunararibonye bakesha kuba barabayeho imyaka iruta iyabo. Baba bazi neza ko ari byo bibatera kuba bazi gufata imyanzuro myiza kandi ihamye. Ikindi baba babasha no kwihanganira ibibazo bahura na byo. Mu gihe ukunze gusanga abasore bakiri bato bagira ikibazo cyo kumenya kwihanganira, ibibazo bahura nabyo no kubasha gufata imyanzuro ihamye.

Umutekano
Umutekano uvugwa aha si umutekano w’ubwirinzi cyangwa wo kuba babarwanirira n’ubwo nabyo baba babishoboye. Aha ni umutekano ushingiye ku mitungo, amafaranga n’ubukire. Ibi ukunze gusanga ari byo bikurura abakobwa benshi ku bagabo. Akenshi baba babishingira kuba abagabo bakuze bakunze kuba bafite akazi gahoraho, ndetse n’indi mitungo yakwifashishwa mu kubaka urugo, ku buryo n’ubwo yamutera inda yamutwara nta kibazo maze ntiyangare.

Ubuhanga n’ubushobozi bwo kubitaho
Abakobwa bakiri bato bakunda abagabo bakuze baba babakurikiraho ubunararibonye bwo kubitaho mu buryo budasanzwe. Abagore n ’abakobwa bakiri bato bakunda kwitabwaho, byumwihariko rero abakobwa bakiri bato bo baba bakeneye ababitaho ku buryo bukomeye. Ibi rero bikunze gutuma bakunda abagabo bakuze kubera ko aba bagabo bazwiho ubuhanga bwo gufata neza abagore n’abakobwa. Ibi ukaba ukunze gusanga babifatira k’uburyo aba bagabo bari hejuru y’imyaka 30 ukunze gusanga bategurira impano za buri gihe abo bari kumwe mu rukundo, ibi bikaba bimwe biryoshya urukundo kandi bikongerera abagabo igikundiro ku bakobwa ndetse n’abagore. Ibi bikiyongeraho ko aba bagabo bakuze baba bazi uburyo bwiza bwo kwitwara neza mu gitanda.

Gukura vuba mu mitekerereze
Abagore n’abakobwa ukunze gusanga ku kijyanye n’imitekerereze bakura vuba cyane. Ibi bivuze iki? Ibi bivuze ko akenshi, umukobwa cyangwa umugore atajya anganya ibitekerezo n’umugabo cyangwa umusore bangana, kuko ukunze gusanga abakobwa barusha ubucakura abasore bangana.
Ni muri urwo rwego rero ukunze gusanga abakobwa baba bifuza wa mugabo umuruta mu myaka byibura akeka ko we bahuza urwego rw’imitekerereze, maze bakabasha gupanga imishinga igaragaramo ubukuru, itarimo ibitekerezo by’abato. Ibi bigaragara ku bakobwa bakunda abasore babaruta ariko bifuza gushinga ingo.

Ishusho y’umubyeyi
Abenshi mu bakobwa bishimira kugirana umubano n’abagabo babaruta mu myaka ni uko baba bababonamo ishusho ya kibyeyi. Baba babitezeho kubagira inama za kibyeyi kandi zuzuyemo ubanararibonye kandi zizabafasha mu buzima bwabo.
Ibi ni ibintu rusange ukunze gusanga abakobwa n’abagore bahuriraho mu guhitamo gukundana n’abagabo bafite hejuru y’imyaka 30 ndetse n’ababarusha imyaka. Izi ngingo twatanze haruguru ntaho ziba zihuriye n’ikibazo cya Shugadadi( Sugar Daddy) cyangwa se Shugamami



Related Posts by Categories



0 comments:

Post a Comment

 

Urwenya

Ubuzima

Urukundo