Bang Media

Shakisha ku Urwego.com

Hari igihe bijya bibaho umugabo akananirwa gutera akabariro

Hari igihe bijya bibaho umugabo akananirwa gutera akabariro ahanini bimuturutseho cyangwa biturutse ku zindi mpamvu zitamuturutseho, Ibi bishobora kuba intandaro yo kutumvikana hagati y’abashakanye ndetse bikaba byanasenya ingo.

Bijya bibaho ko umugabo yishaka akibura, yatera akabariro bikamunanira, akaba yagira ngo ni uburwayi budasanzwe yahuye nabwo. Birashoboka ko bishobora guterwa n’uburwayi, kimwe n’uko hari n’ababiterwa n’ububabare bafite ku bindi bice by’umubiri. Hari n’ibindi bintu bishobora gutuma umugabo ananirwa kuzuza inshingano ze zo kubaka urugo, muri byo tugiye kubabwira bitanu by’ingenzi.

1-Kwiheba: Hari abagabo biheba bitewe n’ibibazo bari kunyuramo muri iyo minsi, abandi bakiheba kubera ubukene. Hari n’abandi biheba kubera batakaje ibiro bakananuka cyane, abandi bakiheba kubera babyibushye birengeje urugero. Uku kwiheba gutuma umugabo atangira kwisuzugura, akumva ko ntacyo ashoboye, ibi nibyo bituma gutera akabariro bitangira kumunanira yabigerageza bikanga. Mu rwego rwo kubirwanya ugomba kwiyakira uko uri kandi ukabyishimira, igihe uri mu bibazo udafite icyo wabihinduraho ibyiza n’ukwishyira mu mutuzo.

2-Kwigunga: Ni muri kamere y’abagabo bamwe ko iyo ari kunyura mu bibazo by’inzitane akunda kwiburisha akajya ahantu he wenyine akigunga. Uku kwigunga no gushaka kuba kure y’abandi bishobora gutuma umugabo atabasha kugira ubushake. Kunyura mu bibazo bibaho ariko ugomba kumenya ko ari iminsi mike izuba rikarasa umucyo ugatama. Igihe uri mu bibazo sibyiza kwigunga ahubwo ibyiza ni ugushaka umuntu ubiganiriza.

3-Kwikinisha: Ikibi cyabyo ni uko umuntu ubikora bimubaho karande,kandi iyo wamenyereye kwikemurira ibibazo, gutera akabariro ntibiba bikigushishikaje. Kwikinisha bigira ingaruka mbi nyinshi niyo mpamvu ugomba kubihagarika.

4-Akazi kenshi: Gukora nibyiza, ariko akazi kenshi gashobora kugusenyera urugo, kakanakwicira ubuzima. Kuko ukora kugira ngo ubeho ntago uriho kugira ngo ukore. Wa muntu usanga akora akazi agakora n’amasaha y’ikirenga, ahora mu nama za buri munsi, ugasanga nta kindi yiberamo uretse akazi, uwo iyo yishatse ngo agire icyo yereka umugore we aribura. Nibyiza gukora cyane ariko ukanyuzamo ukagira n’umwanya wo kwishimisha.

5-Kureba amashusho y’urukozasoni: Amashusho y’abantu bambaye ubusa cyangwa basambana atera abagabo kwifuza no kutongera kunogerwa n’abagore babo, kubera ubwiza bw’abo babona murayo mashusho hamwe n’ibikorwa babonamo. Usanga umugabo yishimira kureba ayo mashusho aho kwishimira kureba umugore we, bigatuma iyo amurebye nta bushake bimutera. Ibyiza rero ni uko umwanya wajyaga ufata ureba amashusho y’urukozasoni wawufata ureba umugore wawe bizatuma urushaho kumwishimira no kumugirira amarangamutima.

6. Kwisuzugura: Iri ni ikosa abagabo bamwe bakunda kugwamo cyane kandi rigatuma bananirwa gutera akabariro neza, urugero hari nk’umugabo ureba igitsina cye akumva ariyanze kubera ingano yacyo, gishobora kuba abona ari gito akabona kitanezeza umugore cyangwa akabona ari kinini kibangamiye umugore cyane. Ibi si byiza icy’ingenzi ni ukwigirira icyizere ukumva ko ibyo ugiye gukora biragenda neza ukanezeza uwo muri kumwe.


Related Posts by Categories



0 comments:

Post a Comment

 

Urwenya

Ubuzima

Urukundo