Sunday, May 1, 2016

Video yerekana Minisitiri Sebineza ari kwikinisha yatumye yeguzwa

Enock Ruberangabo Sebineza ari kwikinisha
Minisitiri Enock Ruberangabo Sebineza ari kwikinisha.
Ku mbuga nkoranyambaga hakomeje gucicikana amashusho y’iminota ine n’amasegonda mirongo itatu agaragaza Minisitiri wungirije ushinzwe itumanaho muri Repubulika Iharanira Demokarasi ya Congo (RDC), Enock Ruberangabo Sebineza ari kwikinisha.

Nk’uko bigaragara muri aya mashusho yatangiye gukwirakwizwa ku wa kane nimugoroba, Sebineza yari mu biro bye ndetse n’ifoto y’umukuru w’igihugu ikaba igaragara.

Kuva aya mashusho yashyirwa hanze, abantu batandukanye babinyujije ku mbuga nkoranyambaga bahise batangira gusaba ko yegura, ndetse leta iza gufata icyemezo cyo kumukuraho.

Umwe mu bayobozi utatangajwe amazina yabwiye Jeune Afrique ko nta kindi cyemezo cyari gufatwa uretse kumukura ku mwanya we ndetse Minisitiri w’Intebe n’abandi bagize guverinoma bakaba badatuje kuva aya mashusho yashyirwa ahagaragara.

Itangazo rivuga ko Sebineza yakuwe ku mwanya wa Minisitiri wungirije ushinze itangazamakuru ryaciye kuri televiziyo nyuma y’aho abantu batandukanye bari bagiye bandika bagaragaza ko agomba kwirukanwa aho bakoreshaga ijambo #SebinezaMustGo (Sebineza agomba kwegura).

Iri tangazo ryashyizweho umukono ku wa gatanu na Perezida Joseph Kabila rivuga ko Minisitiri wungirije ushinzwe itangazamakuru yirukanwe kubera ko yananiwe kubahiriza inshingano ze n’amahame agenderwaho n’abagize guverinoma.

Enock Ruberangabo Sebineza ari kwikinisha

Enock Ruberangabo Sebineza ari kwikinisha


Reba iyo video hano

Igitekerezo Cyawe!

Related Posts by Categories



0 comments:

Post a Comment