Monday, May 2, 2016

Trump arega Ubushinwa "gufata ku ngufu" Amerika

Trump ashinja Ubushinwa 'gufata ku ngufu' Amerika kubera gahunda yabwo y'ubucuruzi itaboneye.
Trump ashinja Ubushinwa 'gufata ku ngufu' Amerika kubera gahunda yabwo y'ubucuruzi itaboneye.


Donald Trump yarahiye guhagurukira ibibazo by'ubucuruzi hagati ya Amerika n'Ubushinwa

Muri gahunda ye yo kunenga politike y'ubukungu mu Bushinwa, umukandida uri imbere mu ishyaka ry'aba Repubulikani, Donald Trump, ashinja Ubushinwa "gufata ku ngufu" Amerika.

Igihe yari ari mu bikorwa byo kwiyamamaza muri leta ya Indiyana (Indiana) yabwiye abari baje kumwumva ko Ubushinwa bufite uruhare mu "bujura bukaze bwabayeho mu mateka y'isi".

Bwana Trump, umucuruzi w'umuherwe ufite akayabo kabarirwa muri za miliyari z'amadolari, yamye arega Ubushinwa kugoreka ifaranga ryabwo kugira ngo ibicuruzwa byabwo bibashe kurushanwa ku isi.
Avuga ko ibi byazahaje ubucuruzi muri Leta Zunze Ubumwe za Amerika ndetse n'abakozi.

Ku Cyumweru yabwiye igikundi cy'abamushyigikiye ati:
"Ntidushobora gukomeza kwemerera Ubushinwa gufata ku ngufu igihugu cyacu, kandi ibyo ni byo turi gukora". "Tuzabihindura, kandi dufite ubushobozi, ntimubyibagirwe. Dufite imbaraga nyinshi ku Bushinwa."

via BBC Gahuza
Igitekerezo Cyawe!

Related Posts by Categories



0 comments:

Post a Comment